ថ្ងៃ សុក្រ ទី ៥ ខែ មិនា ឆ្នាំ ២០១០
រាជធានីភ្នំពេញ ៖ នាងសាន្ដ សុម៉ាលី រហូតមកដល់ពេលនេះមានអាយុ២៥ឆ្នាំហើយ ហើយបានចាប់អាជីពជាតារាសម្ដែងតាំងពីឆ្នាំ២០០៣មក ។ នាងអះអាងថា នាងមិនមានជាប់ពាក់ព័ន្ធស្នេហាជាមួយបុរសណាម្នាក់ទេ ។ កន្លងមកលេចឮព័ត៌មានថា នាងជាប់ពាក់ព័ន្ធស្នេហាជាមួយអាណិកជនខ្មែរនៅសហរដ្ឋអាមេរិក ដោយគេទិញរថយន្ដទំនើបមួយគ្រឿងឱ្យនាង និងនៅឆ្នាំ២០០៩ មានពាក្យចចាមអារ៉ាមថា នាងជា “ម៉ែ យ៉ែម” គួកជេតារាស្រីៗឱ្យអ្នកមានលុយ ប៉ុន្ដែនាងបដិសេធថា វាសុទ្ធតែជាពាក្យចោទប្រកាន់គ្មានមូលដ្ឋាន គឺគេចេះតែនិយាយបង្ខូចកេរ្ដិ៍ឈ្មោះនាង ។
នាងសាន្ដ សុម៉ាលី មានឈ្មោះល្បីតាមរយៈរឿង “កាកី” ។ នាងនិយាយថា ការពិត ទៅអ្នកសិល្បៈសម្ដែង ឬតារាចំរៀងឱ្យតែ មានឈ្មោះល្បីមានការចាប់អារម្មណ៍ពីប្រិយមិត្ដទស្សនិកជនច្រើនតែងតែ ជួបប្រទះពាក្យចចាមអារ៉ាមពីនេះពីនោះមិនខាន ជាពិសេសបើឃើញតារាសម្ដែង ឬតារាចំរៀងណាម្នាក់មានរថយន្ដទំនើបជិះនោះប្រាកដជាគេនាំគ្នានិយាយ ថា បានមកពីប្រុសស្នេហ៍ជាអ្នកមានទិញឱ្យ តែតាមការពិតទៅមានអ្នកខ្លះគេខិតខំសន្សំលុយបានមកពីការសម្ដែង ឬច្រៀង និងលក់ដីធ្លី កាលដីនៅមានហាង
ឆេង ។
តារាសំដែងសាន្ដ សុម៉ាលី នៅតែមានសំរស់ស្រស់ផូរផង់គួរអោយចាប់អារម្មណ៍
Source:http://www.kohsantepheapdaily.com.kh/
No comments:
Post a Comment