ថ្ងៃ អាទិត្យ ទី ៣១ ខែ មករា ឆ្នាំ ២០១០
នាងកែវ សូរិយា មានឪពុកជាមន្ដ្រីរាជការ ម្ដាយជាអាជីវករ និងមានបងប្អូន៤នាក់ ក្នុងនោះស្រី២នាក់ ប្រុស២នាក់ ហើយនាងជាកូនពៅនៅក្នុងគ្រួសារ ។ នាងកែវ សូរិយា ដោយសារមាននិស្ស័យស្រលាញ់ចូលចិត្ដសិល្បៈសំដែងតាំងពីដឹងក្ដីមកនៅ ឆ្នាំ២០០៧ នាងបានបណ្ដែតខ្លួនចូលប្រឡូកក្នុងវិស័យ សិល្បៈសំដែង ដោយដំបូងគ្រាន់តែជាអ្នករាំពីក្រោយឆាកសំដែងកាយវិការខារ៉ាអូខេ (រាំអមតួ)តែប៉ុណ្ណោះ ។ តែដោយសារមានសមត្ថភាពទេពកោសល្យសំដែងបានល្អ មានកាយវិការរស់រវើក និងមានរូបសម្ពស្សស្រស់សោភា ហ៊ានស្លៀកពាក់សិចស៊ីបញ្ចេញសាច់សខ្ចី និងហ៊ានសំដែងជាមួយពស់ថ្លាន់ផងនោះ ពីមួយថ្ងៃទៅមួយថ្ងៃ នាងតែងតែបានចេញថតកាយវិការខារ៉ាអូខេឱ្យគ្រប់ផលិតកម្មទាំងក្នុង និងក្រៅប្រទេស ជាពិសេសនោះនាងបានចូលរួមសំដែងថតស្ប៉តពាណិជ្ជកម្មផលិតផលថែរក្សា សម្ពស្សជាច្រើនផងដែរ ។ ការរីកចំរើនក្នុងវិស័យសិល្បៈសំដែងរហូតមានកេរិ៍្ដឈ្មោះល្បីគួរសម នាងក៏ធ្លាប់បានចូលរួមសំដែងថតភាពយន្ដបាន៣រឿងផងដែរ ហើយរឿងចុងក្រោយដែលនាងបានចូលរួមសំដែងគឺរឿង “ព្រាយហាយសូរ” ដោយអ្នកដឹកនាំរឿងតំរូវឱ្យនាងសំដែងជាតួកាចឆ្នាស់ឆ្នើម ។ ទន្ទឹមនឹងមានកេរិ៍្ដឈ្មោះល្បីក្នុងពិភពសិល្បៈសំដែង នាងកែវ សូរិយា តារាដែលមានសាច់សខ្ចីដើមទ្រូងធំទ្រលុកទ្រលន់គួរឱ្យចង់គយគន់មិន ជិនណាយ ដែលបុរសៗគ្រប់វ័យទាំងក្មេងស្ទាវ និងវ័យចំណាស់ បើបានឃើញភាពសិចស៊ីរបស់នាង ហើយតែង តែមានចិត្ដប៉ងប្រាថ្នាទៅលើរូបនាងដោយចង់អោបក្រសោបសុំសេចក្ដីស្នេហា ពីនាងនោះ ពិតជាមានការសោកស្ដាយហើយពីព្រោះថា នៅដើមឆ្នាំ២០១០ នេះល្បីថា នាងមានស្នេហាជាមួយថៅកែកូរ៉េ ហើយនឹងភ្ជាប់ពាក្យនៅពាក់កណ្ដាលឆ្នាំ ២០១០នេះទៀតផង ។
ទន្ទឹមនឹងជោគជ័យលើការងារសិល្បៈ សំដែងរយៈពេល៣ឆ្នាំមកនេះ នាងសូរិយា ក៏ទទួលរងនូវពាក្យចចាមអារ៉ាមមិនល្អជា ច្រើនដូចជាគេនិយាយថា នាងយកប្ដីគេត្រូវប្រពន្ធគេគំរាមបញ្ចេញវីដេអូសិចជាដើម តែនាងបានបដិសេធហើយបានដាក់ពាក្យបណ្ដឹងទៅប៉ូលិសរួចហើយដែរ ដូច្នេះសព្វ ថ្ងៃនាងលែងខ្វល់ខ្វាយអ្វីទាំងអស់ហើយកំពុងតែរង់ចាំមើលស្ដ្រី ម្នាក់ដែលបញ្ជូនសារSMS ដែលអះអាងថា ខ្លួនជាភរិយារបស់មន្ដ្រីម្នាក់ ហើយចោទនាង (កែវ សូរិយា) ថា លួចប្ដីគេនោះបញ្ចេញវីដេអូសិច ។ នាងកែវ សូរិយា និយាយថា រឿង អ្វីៗកន្លងមកសុទ្ធតែជារឿងមិនពិត គេចេះតែបង្កាច់បង្ខូចកិត្ដិយសរបស់នាងប៉ុណ្ណោះ។ សូរិយា សង្កត់ធ្ងន់ថា ធម្មតាទេ យើងជាអ្នកសិល្បៈសំដែងឱ្យតែមានកេរិ៍្ដឈ្មោះល្បីលេចធ្លោនោះតែង ជួបប្រទះពាក្យចចាមអារ៉ាម មិនល្អ ហើយសំខាន់គឺ “មាសសុទ្ធមិនខ្លាច ភ្លើងនោះទេ ” ។ នាងកែវ សូរិយា និយាយថា “កុំឱ្យសង្ស័យ សូមអ្នកមានវីដេអូសិចបញ្ចេញមកនាងខ្ញុំចាំមើល ហើយបើថានាងខ្ញុំយកប្ដីគេសុំបង្ហាញភស្ដុតាងផង” ។ ជាចុងក្រោយ នាងកែវ សូរិយា និយាយថា នាងលែងខ្វល់ពីរឿងពាក្យចចាមអារ៉ាមហើយ ពេលនេះគឺគិតតែពីការងារសិល្បៈសំដែង និងការងារបើកហាងអ៊ុតសក់ឱ្យដំណើរការទៅមុខតែប៉ុណ្ណោះ ។
កែវ សូរិយា តារាសំដែងកាយវិការដែលចូលចិត្តស្លៀកពាក់សិចស៊ី
Source:http://www.kohsantepheapdaily.com.kh/
No comments:
Post a Comment