ដោយ ៖ សាម៉ន
ថ្ងៃ អាទិត្យ ទី ៣ ខែ មករា ឆ្នាំ ២០១០
កន្លងមក នាងធ្លាប់បានសំដែងកាយ វិការខារ៉ាអូខេឱ្យផលិតកម្មជាច្រើនទាំងក្នុងនិងក្រៅប្រទេស ដូចជាផលិតកម្មរស្មីឥន្ទ្រីមាស ផលិតកម្មពន្លឺនាគហោះ ផលិតកម្មរស្មីហង្សមាស និងថតស្ប៉តអប់រំសុខភាព ស្ប៉តសាប៊ូកក់សក់ជាដើម ។ ជាងនេះទៀត ដោយសារតែស្រីពេជ្រ មានរូបសម្ពស្សស្រស់ស្អាត ទឹកមុខញញឹមមានមន្ដស្នេហ៍ គួបផ្សំនឹងកាយវិការរស់រវើកមានទេពកោសល្យសំដែងបាន ល្អទើបធ្វើឱ្យផលិតកម្មជាច្រើនត្រូវការនាង។
ជាមួយនេះក្រៅពីបានចូលរួមសំដែងកាយវិការ ខារ៉ាអូខេឱ្យផលិតកម្មនានាទាំងក្នុងនិងក្រៅប្រទេស នាងក៏មានឱកាសចូលរួមសំដែងភាពយន្ដភាគឱ្យស្ថានីយ ទូរទស្សន៍ CTN បាន២រឿងដែរ គឺរឿង “មានសំបុក តែរងា” និងរឿង “ទឹកភ្នែកជាយដែន” តែនាងគ្រាន់តែជាតារាកិត្ដិយសប៉ុណ្ណោះ ។ ក្រៅពីនេះ នាងក៏ធ្លាប់ចូលរួមសំដែងភាពយន្ដសំរាប់ដាក់បញ្ចាំងតាមរោងក្នុង ប្រទេសបានមួយចំនួនដែរ ដែលអ្នកដឹកនាំរឿងតំរូវឱ្យនាងសំដែងជាតួកាចឆ្នាសឆ្នើម គឺរឿង “ខ្មោចលោះព្រលឹង” និងរឿង “ទាយាទអសិរពិស” ជាដើម ។
កញ្ញាឈឹម ស្រីពេជ្រ បានឱ្យដឹងថា តាមពិតទៅឪពុកម្ដាយបងប្អូនរបស់នាងជាអ្នកប្រកបរបររកស៊ីជួញដូរទេ តែដោយសារនាងមាននិស្ស័យស្រលាញ់វិស័យសិល្បៈសំដែងតាំងពីកុមារភាពមក លុះនៅពេលនាងពេញវ័យនាឆ្នាំ២០០៨ ក៏សំរេចចិត្ដឈប់សិក្សាត្រឹមថ្នាក់ទី១១ ហើយងាកមកចាប់យក អាជីពជាតារាសំដែងរហូតមកដល់សព្វថ្ងៃ។
សព្វថ្ងៃនាងមានមោទនភាពយ៉ាងខ្លាំងដោយ បានចូលរួមសំដែងកាយវិការខារ៉ាអូខេ និងសំដែងភាពយន្ដភាគឱ្យស្ថានីយទូរទស្សន៍ CTN ព្រមទាំងភាពយន្ដវីដេអូសំរាប់ ដាក់បញ្ចាំងតាមរោង ដូច្នេះទៅថ្ងៃអនាគតនាង នឹងខិតខំប្រឹងប្រែងធ្វើយ៉ាងណាឱ្យមានកេរិ៍្ដឈ្មោះល្បីដូចតារា រៀមច្បងមុនជាក់ជាមិនខានឡើយ ។
កញ្ញាឈឹម ស្រីពេជ្រ ក្នុងវ័យ១៩ឆ្នាំ ដ៏ស្រស់ផូរផង់រូបនេះ មានស្រុកកំណើតនៅរាជធានីភ្នំពេញ មានបងប្អូន៦នាក់ (ស្រី៣ ប្រុស៣នាក់) ហើយនាងជាកូនទី៥ នៅក្នុងគ្រួសារ ។ សព្វថ្ងៃក្រៅពីសំដែងកាយវិការខារ៉ាអូខេ និងថតភាពយន្ដមួយចំនួន នាងក៏កំពុងខិតខំសិក្សាភាសាអង់គ្លេសផងដែរ ។
កញា ឈឹម ស្រីពេជ្រ ជាតារាភាពយន្ដ និងសំដែង ដែលមានរូបសម្រស់ស្រស់ស្អាត ស្ថិតក្នុងវ័យ១៩ឆ្នាំ, (រូបថត រស្មី) 
No comments:
Post a Comment