ថ្ងៃ អង្គារ ទី ២៩ ខែ ធ្នូ ឆ្នាំ ២០០៩
ក្នុងទឹកមុខញញឹម ស្រទន់ កែវភ្នែកមុតថ្លាគួរឱ្យចង់គយគន់នេះ គឺកញ្ញាសាន វត្ដី ក្នុងវ័យ១៩ឆ្នាំ ។ នាងមាន រូបសម្ពស្សស្រស់ផូរផង់ប្រៀបដីដូចបុបា្ពក្រពុំ មួយទងបណ្ដាលឱ្យបុរសទាំងឡាយឃើញ ហើយតែងតែមានក្ដីប្រាថ្នាចង់ថ្នាក់ថ្នម ប្រលោមសុំស្នេហា ។នាងជាតារាសំដែង កាយវិការខារ៉ាអូខេថ្មីមានទេពកោសល្យខ្ពស់ ។ ជាការពិតណាស់ រយៈពេល២ឆ្នាំ កន្លងមកនេះ នាងត្រូវបានផលិតកម្មក្រៅ ប្រទេសមួយចំនួនហៅឱ្យចូលរួមសំដែងកាយវិការខារ៉ាអូខេជាច្រើនវ៉ុល សំរាប់លក់នៅ សហរដ្ឋអាមេរិក ។កញ្ញាសាន វត្ដី ឱ្យដឹងថា នាងឈាន ជើងចូលប្រឡូកនៅក្នុងពិភពសិល្បៈសំដែង កាយវិការខារ៉ាអូខេនេះ គឺដោយសារតែ នាងមាននិស្ស័យស្រលាញ់ចូលចិត្ដតាំងពីវ័យកុមារភាពមកម្ល៉េះ ។
ម្យ៉ាងវិញទៀត នាងយល់ថា ការជ្រៀតចូលក្នុងពិភពសិល្បៈ សំដែងនឹងធ្វើឱ្យរូបនាងបានសប្បាយ និងអាចមានឱកាសចេញទៅកំសាន្ដនៅឯ ប្រទេសផ្សេងៗទូទាំងពិភពលោកតាមចំណង់ចំណូលចិត្ដរបស់នាងដែលចង់ ធ្វើជាអ្នកទេសចរដើរកំសាន្ដ ។ ដោយសារបែបនេះហើយ ទើបកាលពីចុងឆ្នាំ២០០៧ នាងសំរេចចិត្ដ ឈប់សិក្សាត្រឹមថ្នាក់ទី១០ ហើយចាកចេញពីស្រុកកំណើតនៅខេត្ដបន្ទាយមានជ័យ មក រស់នៅភ្នំពេញជាមួយជីដូនចូលហាត់រៀនសំដែងក្នុងក្លឹបសិល្បៈមួយ ។ បន្ទាប់ពីហាត់ រៀនរយៈពេល៣ខែនាងមានសមត្ថភាពអាចចេញសំដែងជាលើកដំបូងឱ្យ ផលិតកម្មភ្នំរំសាយសក់ ។ ជាបន្ដបន្ទាប់មកទៀត នាង មានឱកាសសំដែងឱ្យផលិតកម្មទាំងនៅក្រៅ និងក្នុងប្រទេស ។
ថ្មីៗនេះ ផលិតកម្មទេព កុមារពេជ្របានផ្ដល់ឱកាសឱ្យនាងចូលរួម សំដែងជាតារាកិត្ដិយសក្នុងរឿង “ច័ន្ទសង្វា បុបា្ពភួង” ។កញ្ញាសាន វត្ដី ឱ្យដឹងបន្ដទៀតថា សព្វ ថ្ងៃទោះបីជានាងជាអ្នកសំដែងថ្មីពុំទាន់មាន គេស្គាល់ជាទូទៅ និងមានកេរ្ដិ៍ឈ្មោះល្បី ដូចសិល្បករ សិល្បការិនី រៀមច្បងមុនៗ ក៏ ពិតមែន តែនាងមានមោទនភាពយ៉ាងខ្លាំង ដោយបានចូលរួមសំដែងភាពយន្ដបែប បុរាណ ។ នាងមានឆន្ទៈមោះមុតក្នុងការខិត ខំប្រឹងប្រែងតស៊ូពុះពារគ្រប់ឧបសគ្គទាំងអស់ ដើម្បីដណ្ដើមយកកេរិ៍្ដឈ្មោះល្បីក្នុងពិភព សិល្បៈ ។ ហេតុនេះហើយ ទើបក្រៅពីសំដែង កាយវិការខារ៉ាអូខេ នាងតែងតែឆ្លៀតពេល ទំនេរទៅហាត់រៀនច្រៀងថែមទៀត ដើម្បី ឱ្យក្លាយខ្លួនជាអ្នកចំរៀងអាជីព ។
នាង សង្ឃឹមក្នុងចិត្ដថា ក្រោយពីនាងហាត់រៀន ច្រៀងចេះស្ទាត់ហើយនោះ នាងនឹងមាន ឱកាសបានឡើងច្រៀងជាកិត្ដិយសនៅលើ ឆាកប្រគំតន្ដ្រីចុងសបា្ដហ៍តាមស្ថានីយទូរ ទស្សន៍នានាជាក់ជាមិនខាន ។ ពេលនោះ ហើយដែលជាឱកាសធ្វើឱ្យនាងទទួលបានការគាំទ្រពីប្រិយមិត្ដ ទស្សនិកជនកាន់តែខ្លាំងឡើង ។កញ្ញាសាន វត្ដី មានស្រុកកំណើតនៅខេត្ដ បន្ទាយមានជ័យ ឪពុកឈ្មោះមាស សំបូរ ម្ដាយឈ្មោះស្វាយ សុខន ។ នាងមានបងប្អូន ៦នាក់ក្នុងនោះស្រី៣នាក់ ចំណែករូបនាងជា កូនទី៤ ៕
Source:http://www.kohsantepheapdaily.com.kh/
No comments:
Post a Comment